Tour 2003 ke Eropa
(bagian ke 2)
(baca bagian ke 1)
(baca bagian ke 3)
(baca bagian ke 4 - Penutup)
oleh Andi Kusuma
O.K. sekarang Tour Eropa 2003 part two !
Kalu gue nyetir engga lewat highway (Autobahn) di Eropa, biasanye gue
tarik garis lurus ke kota tujuan - truss gue cari route terdekat.
Nah tujuan gue selanjutnye ialah kota kecil Berchtesgaden (Germany)
persis di sebelah selatan Salzburg (Austria).
Jadi dari kota Mestre dekat Venesia (Italy) gue lewat kota tempat ski
sport Lovina (Austria) lewat Felber Tauerntunnel - Kitzbuehel truss
ikutin jalan raya E 60 s/d. masuk wilayah BRD, lalu belok kanan ke
arah Ramsau truss ke Berchtesgaden (Germany).
Menurut Mario, katanye Berchtesgaden itu tempat shooting-nya Film "The
Sound of Music".
Jadi dia pingin lihat ke sono sambil ngelihat orang2 Tirol pake baju
tradisionil sambil tiup trompet.
Waktu sampai di peg. Alpen (Austria), gue pause di pinggir jalan.
Gue ukur temp. cuman + 18 grad C. (Ma di ki pe kata Hap Kioe ! Coba
loe bayangin temp. di Venesia bisa + 43 grad. C. 'Kan bedanye = 25
grad. C !)
Gilee, engga tuh ? Gue girang banget lihat Mami gue udah segeeer banget !
Wah, kalu sampai die mesti di-opname di rumah sakit - cilaka gue !
Jadi kite nginap semalam di Berchtesgaden.
Besok paginye begitu bangun
tidur pk. 06.oo gue lihat thermometer cuman + 13 grad. C. !
Jadi perbedaannye bisa + 30 grad. C. ! (dari + 43 grad. C. ke + 13 grad. C. !).
Mangkanye banyak orang2 tua nyang kagak kuat jantungnye bisa collapse !
Sebenernye di Berchtesgaden gue mau istirahat 2 hari, tapi berhubung
mau ke tempatnye si Keng Lay ===> jadi kite langsung ke Berching !
Karena kite buru waktu, mangkanye gue langsung lewat Autobahn Salzburg
- Autobahn Ring Road Muenchen - Nuernberg (sampai di Ausfahrt
Greding), truss ke Berching.
Cuman 2 jam lebih dikit kite udah sampai di Berching !
Di dekat situ ada Supermarket, lalu gue telp. si Keng Lay ! Die
bilang tunggu aje di situ, 'ntar gue jemput.! Kira2 10 - 12 menit
kemudian die nongol naik BMW Station Wagon-nye.
Kite nginap semalam di home stay di desa sebelah tempat tinggalnye Keng Lay.
Keng Lay sdh. booking 2 kamar buat kite.
Malamnye kite diundang dinner BBQ di rumah Keng Lay.
Istrinye udah "prepare" semua ! Wah, asyiiik karena cuaca engga begitu dingin !
(Berching letaknya di Niederbayern, sedangkan Berchtesgaden di Hochbayern).
Besok paginye tadinye si Keng Lay + istrinye ajak kite naik kapal
pesiar nyang lewat di kanal deket rumahnye, tapi kite bilang engga
usah deh - soalnye kita mau truss ke BF (= Black Forest) atau
Schwarzwald mau cari Jam Kuck-Kuck.
Ibunya Andi K, Ingrid(isterinya Andi K), Andi K, Rio (anaknya Andi K.), istri Keng Lay dan Keng Lay di deretan belakang
Nyang penting gue udah ketemu loe dan gue tahu rumah loe di mane !
Ini juga route Eropa Tour gue udah menyimpang jauh dari rencana semula.
Kalu gue engga dapat info dari Kiki juga gue kagak sampe di Berching !
Mereka berdua seneng banget kedatangan tamu "kay pang" dari Bogor !
Dari Berching langsung menuju Schwarzwald, lewat Autobahn A-9 sampai
Ingolstadt (pabrik mobil AUDI), truss potong kompas lewat
Bundesstrasse (B-16) sampai di kota Ulm, truss via B-311 sampai kota
Tuttlingen.
Dari situ ke kota Villingen lewat B-33, terus sedikit ketemu kota
kecil St. Georgen nyang banyak home industry Kuck-Kucks-Uhr di pinggir
jalan.
Di situ gue nginap di desa kecil TRIBERG (sekitar 5 Km. sebelah barat
St. Georgen) di sebuah home stay (Gaststaette).
Owner-nya Oma-Oma, udah tuwir - tapi ramah banget !
Apalagi tamunye bisa ngomong Jerman, die girang sekali.
Udah, dah - makan malam di Restaurant-nye aje ! Loe tahu donk, Melayu
dikasih French- Fries - nye cuma dikit, ===> mana kenyang ?
Truss si Oma tanye (ke Mario) : "Hast du noch hunger, Junge ?"
Anak gue cuman manggut2 aje, eh 'ntar lagi die bawain 1 bowl gede
French Fries nyang baru mateng ! Wah, bae bener tuh Oma !
Besok paginye very-very full breakfast ! Komplit semuanye ade !
Ade ham, wurst, salami, smoke beef etc. etc. Pokoknye kenyaaang, deh !
Truss die bilangin dimane mesti beli Kuck-Kucks Uhr !
Kagak jauh dari Triberg ada kota kecil (kota turis).
Di situ ada toko
namanya : Toko 1.000 Kuck-Kucks Uhr. ===> Jadi loe bisa pilih nyang
mana nyang loe suka !
(Itulah enaknye kalu kite nginap di home stay di kota kecil !
Orangnye ramah banget !
Die bilang :"Dulu banyak turis dari Amriks dan Japan nyang datang
kesini waktu kurs 1 Euro cuman = US. $ 0,83.
Tapi skrg. kagak ada nyang nongol barang atu setelah kurs 1 Euro = US. $ 1,30.
Gue dengernye kasihan juga loe !
Sekian dulu dah, part two ini !